Plantun de Prouvènço

Pèr coumpara dos planto d'encò nostre

Orobanche cernua & Arundo donaciformis

Orobanche cernua

Orobanchaceae

Nom en français : Orobanche penchée.

Descripcioun :
Aquesto erbo-de-taurèu, pulèu raro au nostre, parasito l'aussent-marin, Artemisia caerulescens. L'atroubarés, adounc, majamen en ribo de mar ounte flouris à la primo. Se pòu pamens vèire sus lou viro-soulèu, es alor naturalisado. Se recounèis à si flour dóu cor blanc emé lou soumet d'un vióulet o d'un bèu blu prefouns. Coumpara emé l'erbo-de-taurèu-de-Grenier que ié sèmblo proun e que parasito li lachugo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Orobanche
Famiho : Orobanchaceae

Ordre : Lamiales

Coulour de la flour : Vióuleto
Petalo : irreguliero
Ø (o loungour) flour : 12 à 16 mm
Flourido : Printèms

Sòu : Na Cl
Autour basso e auto : 0 à 200 m
Aparado : Noun
Abriéu à jun

Liò : Mar - Relarg sala
Estànci : Mesoumediterran
Couroulougi : Paleoutemperado
Ref. sc. : Orobanche cernua Loefl., 1758

Cano(-de-Pline)

Arundo donaciformis

Poaceae Graminaceae

Nom en français : Canne de Pline.

Descripcioun :
La cano-de-Pline se vèi subretout en Prouvènço séusouso. Trachis en ribo d'aigo o dins lis ermas sus terro founso ounte ié flouris à la fin de l'estiéu. Au contro de sa cousino, la cano de Prouvènço, Arundo donax, s'atrovo bèn au siéu eici. S'agis d'uno meno mounouclounalo especialo dóu relarg, à 3n e esterlo que se desveloupo vegetativamen. Èi mens forto que sa cousino e se recounèis à sis espigueto pu courto, de 1 cm amé uno à dos flour. La "vertadiero" cano-de-Pline trachis dins li Balkan.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Aubret
Taio : 1 à 3 m
Fueio : coumpausado
Tipe bioulougico : Geoufite
Cicle bioulougico : Planto renadivo

Gènre : Arundo
Famiho : Poaceae
Famiho classico : Graminaceae

Ordre : Poales

Coulour de la flour : Vióuleto
Petalo : 5
Ø (o loungour) enflourejado : 20 à 30 cm
Flourido : Estiéu - Autouno

Sòu : Si (Ca)
Autour basso e auto : 0 à 600 m
Aparado : Noun
Remarco : Endemico de Prouvènço
Setèmbre à óutobre

Liò : Ribiero - Ermas - Roubino - Prado umido
Estànci : Termoumediterran à Mesoumediterran
Couroulougi : Estenoumediterrano
Ref. sc. : Arundo donaciformis Verlaque & B.Vila, (Loisel.) Hardion, 2012 (= Arundo plinii auct. non Turra, 1765 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

RRR

ges

Orobanche cernua & Arundo donaciformis

ges

Coumpara Erbo-de-taurèu(-clinado) emé uno autro planto

Coumpara Cano(-de-Pline) emé uno autro planto